Կանանց կոնսուլտացիան իրականացնում է տարածաշրջանի կանանց մանկաբարձա-գինեկոլոգիակա օգնությունը, որն ընդգրկում է հղիների նախածննդյան և հետծննդյան հսկողությունը, նրանց սոցիալ-հոգեբանական աջակցությունը, ֆիզիկական նախապատրաստումը ծննդաբերական պրոցեսին:
Բաժինն ունի բարձրակարգ ուլտրաձայնային ծառայություն, օգտվում է հիվանդանոցի լաբորատոր լայնածավալ ծառայություններից, իսկ անհրաժեշտության դեպքում նաև բոլոր նեղ մասնագետների խորհրդատվություններից:
Բաժինն ունի Մայրության Դպրոց, որտեղ հղիները ծանոթանում են հղիության ընթացքում և հետծննդյան շրջանում իրենց ճիշտ խնամքին և հիգիենային, ծննդաբերական գործունեությանը և շրջաններին, կրծքով կերակրման գործընթացին և նորածնի ճիշտ խնամքին: Մեր բաժնում կատարվում է նաև դեռահասների և կանանց զննում, հետազոտում և բուժում, ժամանակակից հակաբեղմնավորիչների կիրառում և արգանդի վզիկի քաղցկեղի կանխարգելում:
Կանանց կոնսուլտացիայի բաժինը պատրաստ է յուրաքանչյուրին ընդունել և սպասարկել իր հոգատար և բարեհամբույր անձնակազմով:
